THALAITE LEH TLAWMNGAIHNA

|HALAITE LEH TLAWMNGAIHNA

-          Hruaia Chhangte

            TLAWMNGAIHNA. He thumal hi kan sawi zing a, kan hre bel tawh hlein a rinawm. Eng ang chiaha ropui leh mawi nge a nih a, he thumal hi Mizoten kan ta bila kan neih chhan hi eng nge ni ang? Mizo awmna apiangah chuan he thumal hi a cheng a, Mizote min khaikhawmtu, Mizo nih tinuamtu, huang khata min khung khawmtu a ni a. Hmanlai kan pi pute hunlai a\ang tawha an hlut leh an chhem alh reng, mit thei lo chu Tlawmngaihna hi a ni.

            Amaherawhchu, hetianga a chanchin leh a nihna kan hriat ringawt hi a tawk mai lo. Tlawmngaihna hian naupang a\anga puitling thleng hian tihtur leh hmabak min chhawpsak vek a ni. Chu chu kan hriat chiana kan zawm chiah chuan Tlawmngaihna leh keini hi kan inzawmna a lo nghet chiah dawn a ni.

            Tunlai \hangthar, naupang zawkte hian Mizo tlawmngaihna te, aia upa zahna te hi kan hlamchhiah tih a chiang hle a, a pawi hle a ni. |halaite phei chuan kan hlamchhiah hi a thiang lo va, kan pi pute min hnutchhiah hi \halaite hian kan chhawm nung zel a \ul. Tunlai hunah hian engtinnge tlawmngaihna chu kan lantir theih ang?

            A hmasa berah chuan, Tlawmngaihna hian ramri a nei lo va, |halaite hian chu chu kan hriat a \ul hle mai. Kohhranah kan inhmang a, kan \angkai em em a, nihna leh mawhphurhna pawh kan chelh \hin. Chumi atan pawh chuan kan rilru kan seng a, kan thawk \ha \hin. Chutah chuan Pathian pawh a lawm ngei ang, mahse chu chu kan duhtawk a nih chuan kan kalsual hle ang.

            Khawtlangah chhiat tawk an awmin, khumbetin kan damlo a nih ngawt loh chuan a rang thei ang bera chhiat tawk an awmna hmuna kal hi \halaite tan a mawiin kan tihtur awm reng a ni. Mitthi an awm chuan, chhun lama kan hnathawh hah pawh sawi lovin lumen ngei tura kan inbuatsaih a \ul hle mai. Khua a lum emaw, khua a vawt emaw, ruah a sur emaw, kan kal ngei ngei tur a ni. |halai ni si, mitthi lumen pawh tum lo, khawhar ina kal tum lo kan awm \hin a nih chuan inenfiah a \ul hle mai.

            Hmanlai hunah phei chuan nula leh tlangval te chu lo lama hnathawk \hin an ni a, hah takin nitla vanvuaiin hna an thawk \hin. Mahse, mitthi lumen leh mi harsa leh \anpui ngaite tana tlawmngaih chhuah hi an \hulh phah ngai chuang lo. Chuti a nih chuan keini \halaite hian tunlaia hna hahthlak tak tak thawh tur awm tawh lovah hian tlawmngaihna chu a aia nasain kan lantir dawn lo’m ni?

            Tlawmngaihna kan tih hi thil harsa leh hlen chhuah harsa a ni lo va, hetianga mitthi lumen mai te, thlan laih mai te, khawhar in kal mai te hi a ni. Chubakah khawtlang huapa hnatlang koh nikhua pawhin kan dam \ha a nih phawt chuan han thawk chhuak vat \hin ila; chu chu tlawmngaihnain a phut chu a ni.

            Hetia hlen chhuah mai pawh hi a tawk mai lo. Mitthi lumennaah kan kal satliah mai hi a la tawk lo cheu. Khawhar hla sak laia lo \awng mai mai te, phone lo khawih mai mai te, thil lo ei mai maite hi \halaite tih atana mawi lo a ni. Philippi 4 : 8 -ah, “A tawp berah chuan unaute u, a dik apiang te, a zahawm apiang te, a fel apiang te, a thianghlim apiang te, a duhawm apiang te, a thangmawi apiangte – thatna reng a awm a, fakna reng a awm phawt chuan – chung chu ngaihtuah rawh u.” tia min hrilh angin \halaite hian hming\hatna te, thanmawina te kan ngaihtuah a \ul hle mai. Chu chu a sipai zia a, kohhran pawl dangten lo ngaihtuah lovin lo hnualsuat mah se keini Sipa |halaite chuan kan hnualsuat hi a thiang lo hrim hrim a ni.

            Sipai Pawl hmuchhuaktu rilru leh Mizo rilru hi a lo inang hle a ni. Mizoten tlawmngaihna kan lak thutak ang zet hian William Booth-a pawhin kawtthlera mi rethei \anpui ngai te, natna tuarte leh ruihhlo tihbuai te tan Pathian khawngaihna chu tlawmngaihnain a hlen zel a, a fapa thlengin chu chuan a kang kai ta a ni.

            Hmanlai pi pute hunah chuan \halai zawkten mi rethei in an saksak a, sapuiin mihring a lakin an zawng a, an umzui a, khaw kar kawng hla tak takah ruang an zawn a, aia upa zawk leh hotu zawkte thu an awih hle \hin. Chumi thlarau chu zui zelin tunlai \hangthar/\halaite hian tlawmngaihna hi kan hlamchhiah hauh tur a ni lo.

            Tlawmngaihna leh kan Social Service hrang hrangte hi a inkungkaih thuk hle a, Chhandamna Sipai Pawl \halai kan nih chuan khawtlang tana tlawmngaihna lantir leh mi \angkai nih zel hi kan mawhphurhna, kan kova nghah chu a ni.